PLAN REACTIVACIÓN ACTIVIDADE DEPORTIVA- ELABORACIÓN CALENDARIO PROVISIONAL

COMUNICADO FEGATRI

 

Unha vez rematada a desescalada se as circunstancias sanitarias seguen evolucionando e así o permiten, de xeito coordinado coa Secretaría Xeral para o Deporte e co resto de administracións e institucións  deportivas, así coma coa colaboración do noso tecido deportivo,  tentarase retomar a actividade deportiva coas máximas garantías de seguridade e saúde, adecuando ás medidas preventivas e de corrección necesarias para minimizar os riscos na máis alta porcentaxe.

 

En concordancia co anterior, xúntase a base das medidas a aplicar elaborada de xeito coordinado pola Federación Española de Tríatlon,  e que se verán complementadas  cun plan específico da FEGATRI para aplicar a todo o noso deporte. 

Nos próximos días, a FEGATRI, a través da súa comisión de avaliación,  elaborará o plan de prevención específico apoiado así mesmo no programa de analise de riscos e medidas correctoras que virán dadas pola  ferramenta que está poñendo en marcha a Secretaría Xeral para o Deporte coas Federacións Galegas. Unha vez en funcionamento solicitarase aportación de datos a todo o tecido federativo e posteriormente planificaranse xuntanzas telemáticas cos distintos estamentos federativos entre xuño e xullo.

 

 

 

 

Co fin de realizar as modificacións necesarias e elaborar un calendario provisional  para o que resta de tempada,   previo á  súa elevación para aprobación dos órganos  competentes nas próximas semanas,  e posterior presentación ás distintas administracións;  abrimos un prazo para presentar  propostas de organización e/ou recalendarización de competicións, de acordo  ao seguinte:

 

1.- O plan para retormar a actividade comezaría na última semana de xullo

2.- Priorizarase o desenvolvemento dos Campionatos Galegos.

3.-Priorizaranse as probas precalendarizadas (cuxa continuidade ou recalendarización deberá igualmente confirmarse).

 

• RECEPCIÓN DE PROPOSTAS DE PROBAS DE TRÍATLON E PÉNTATLON MODERNO.-        Ata o  mércores, 3 de Xuño .-

• XUNTANZA TELEMÁTICA COS ORGANIZADORES PARA COORDINAR O CALENDARIO.-                      Venres, 5 de xuño, ás 20:00 h. (enviarase ligazón de acceso)
• CONVOCATORIA DA COMISIÓN DELEGADA PARA APROBACIÓN DE CALENDARIO.-         Mércores 10 de xuño ás 20:00 h.