QUINTO POSTO PARA UXÍO ABUÍN EN MIYAZAKI E MELINA ALONSO EN AGADIR

5 de Novembro de 2017

Uxío Abuín e Melina Alonso acadaron a mesma posición (quinto posto), pero en probas e lugares moi diferentes. Uxío competía na última proba da Copa do Mundo en Miyazaki (Xapón) e fixoo cunha magnífica quinta posición, nunha proba con importantes rivais e moito cansanzo acumulado. Pola súa banda, Melina Alonso pechou a tempada cun quinto posto na Copa de África de Agadir, mentres que a súa irmá Camila abandonou no segmento de ciclismo.

Uxío pechaba a tempada na Copa do Mundo de Miyazaki, onde o pasado ano acadou una victoria. O galego estivo no grupo de cabeza dende a natación, pero no ciclismo formouse unha escapada con cinco homes que foi decisiva. Aínda así, Uxío ía no grupo perseguidor e así, facendo unha moi boa carreira a pe, logrou a quinta posición.

Pola súa banda, Melina Alonso disputou a Copa de África e logrou unha magnífica quinta posición, despois de facer unha natación espectacular, que lle permitiu saír segunda da auga co mesmo tempo ca primeira. Tamén participou a súa irmá Camila, pero abandonou na bicicleta ao quedarse sen forzas.

Quizáis che interese…

Galegos con maiúsculas

Galegos con maiúsculas

Antonio Serrat, Susana Rodríguez, Antonio Benito, Cidade de Lugo Fluvial, Pablo Dapena e as...