SUSANA RODRÍGUEZ PODERÁ LOITAR POLAS MEDALLAS NOS XOGOS DE RÍO AO INCLUIRSE NO PROGRAMA A SÚA CATEGORÍA

7 de Outubro de 2014

Xa está confirmado! A paratriatleta viguesa Susana Rodríguez Gacio poderá loitar polas medallas nos próximos Xogos Paralímpicos de Río. O Comité Paralímpico Internacional confirmou hoxe a inclusión da categoría PT5 feminina (para deportistas con discapacidade visual) no programa dos Xogos de Río.

Será a primeira vez que o paratríatlon está incluído no programa do Xogos Paralímpicos e o CIP nos fixo sufrir ao non incluir a categoría PT5 no calendario inicial. Pero hoxe confirmouse que PT5 feminina forma parte das probas que se disputarán no paratríatlon de Río 2016.

Susana amosou a súa felicidade pola decisión e agora xa pensa no primeiro obxectivo: “Acadar a clasificación para os Xogos, que non é doado. E obviamente o vindeiro ano será o máis esixente”. E despois, “se consigo ir, a por todas. Se Galicia ten un medallista olímpico, porque non tratar de que teña unha paralímpica?”, manifestou a galega.

 

Quizáis che interese…

Montreal

Montreal

Montreal acolle unha nova cita das Series Mundiais e o Campionato do Mundo Junior de Tríatlon....