A triatleta viguesa Susana Rodríguez Gacio, estudante de quinto curso de Medicina na Universidade de Santiago de Compostela, recibiu unha beca da Fundación Iberdrola.
As “Bolsas Fundación Iberdrola” van dirixidas a deportistas beneficiarios do Plan ADOP que estean a cursar estudos universitarios e consisten en sufragar o custo da matrícula do curso que estean a realizar, máis unha bolsa de estudos de 490 euros mensuais durante o período lectivo (10 mensualidades por ano natural).
