O sábado 3 de maio celebrarase a primeira edición do Duatlón de Tomiño (proba popular), que conta cunha inscrición de case trescentos deportistas.
Será a primeira edición desta proba e a resposta da e dos deportistas non puido ser mellor, con case trescentos inscritos nas categorías benxamín, alevín, infantil, cadete e sénior. A saída terá lugar dende a rúa Colón, mentres que a zona de transición e meta estarán instalados na rúa Nova.
As saídas irán realizándose de forma paulatina dende as 16:00 horas para a proba benxamín ata as 18:15 horas para os sénior. As distancias serán diferentes dependendo das categorías e no caso da sénior as distancias serán de 5 quilómetros de carreira a pe, 17 quilómetros de bicicleta e 2,5 de carreira a pe.
Ademais hai que destacar a participación con deportistas tan destacados coma Marina González (Tri-Penta Terras de Lugo), Aída Valiño (Cidade de Lugo Fluvial), María Martínez (Atletismo Porriño), Gustavo Rodríguez (Cidade de Lugo Fluvial) ou Fabian Ubeira (Motobike de Pontevedra) na categoría absoluta.
