O Cidade de Lugo Fluvial proclamouse campión na categoría de clubs da final galega do programa invernal Nada e Corre 2016, que se celebrou hoxe en Pontevedra. O podio nesta categoría estivo formado por Cidade de Lugo (ouro), Tríatlon Ferrol (prata) e Tríatlon Motobike Galaico (bronce). Esta clasificación sae da suma dos resultados das seis mellores categorías de cada club.
Foi unha xornada moi intensa e de gran confraternidade, ao dividirse a final en sesións de mañá e tarde e poder gozar así dunha comida con pais, nais e participantes, na que se xuntaron case 300 persoas no Pazo de Congresos.
Pola mañá celebrouse a proba de natación na piscina do complexo deportivo Rías do Sur, nun espectacular entorno para os nenos e nenas, que puideron nadar nunha piscina de 25 metros, con dez rúas, grazas a cesión das devanditas instalacións. Ademais, de destacar o magnífico traballo do Tríatlon Motobike . Galaico, na organización da proba.
Pola tarde, celebrouse a carreira na pista de atletismo do Centro Galego de Tecnificación Deportiva, e posteriormente procedeuse á entrega de medallas en todas as categorías.
O Nada e Corre deste ano tiña como gran novidade a incorporación do paratriatlon, que permitiu a participación de David Almuiña, na categoría PT5 (para deportistas con discapacidade visual). David foi o primeiro, pero seguro que ano a ano teremos máis e igual de satisfeitos que él.
CLASIFICACIÓNS POR CATEGORÍAS
Prebenxamín feminino:
1. Adriana Rebolo (Cidade de Lugo)
2. María Muñiz (Natación Riveira)
3. Aitana Correia (Tríatlon Ferrol)
Prebenxamín masculino:
1. Óscar Alberte Teijeiro (A.D. Fogar)
2. Samuel Fernández (Cidade de Lugo Fluvial)
3. Davic Caneiro (Tríatlon Ferrol)
Benxamín feminino:
1. Julia Maneiros (Tríatlon Ferrol)
2. Alejandra Silvosa (Cidade de Lugo)
3. Marta Novo (Tríatlon Motobike – Galaico)
Benxamín masculino:
1. Damián Suárez (Natación Cedeira)
2. Nicolás Pais (Arcade Inforhouse)
3. Marco Mota (Arcade Inforhouse)
Alevín feminino:
1. Carla Fernández (Cidade de Lugo)
2. Laura Cano (Tríatlon Motobike – Galaico)
3. Lea Mota (Arcade Inforhouse)
Alevín masculino:
1. Alejandro Rodríguez (Tríatlon Ferrol)
2. Enrique José Rivas (Arcade Inforhouse)
3. Iago Otero (Talleres David Tríatlon Compostela)
Infantil feminino:
1. Natalia Castro (Tríatlon Motobike – Galaico)
2. Elsa Pena (Cidade de Lugo)
3. Henar Diana Cons (Tríatlon Motobike – Galaico)
Infantil masculino:
1. Juan Francisco Pérez (Natación Cedeira)
2. Esteban Basanta (Cidade de Lugo)
3. Pablo García (Tríatlon Motobike – Galaico)
Cadete feminino:
1. Iria Rodríguez (Atletismo Porriño)
2. Raquel Ruíz (Tríatlon Ferrol)
3. Inés Castaño (Arcade Inforhouse)
Cadete masculino:
1. Iván Puentes (Tríatlon Ferrol)
2. Arturo Ramos (Talleres David Tríatlon Compostela)
3. Martín Cando (Tri-Penta Terras de Lugo)
Paratríatlon masculino (PT5)
1. David Almuiña (Natación Riveira)
