O próximo 27 e 28 de Xuño dispútase o Campionato de España de Tríatlon por Autonomías na localidade de Navajas (Valencia). Tras as numerosas baixas producidas por diferentes motivos no equipo convocado a disputar este campionato, a Xunta Directiva ratificou a proposta do Director Técnico de non asistir a esta cita anual.
A causa fundamental destas baixas é a coincidencia con outras catro citas de suma importancia para os obxectivos dos nosos deportistas (Series mundiais Chicago, Campionato de Europa sub23 e youth e o Campionato de España Escolar). Cun total de nove deportistas convocados en competicións internacionais e outras sete baixas a maiores por diferentes motivos, nos fai pensar que Galicia non estaría en disposición de pelexar polo resultado que merece, o cal estaría moi afastado da realidade.
Además deste xeito tamén queremos instar aos órganos competentes para que se poñan solucións e non se volva a calendarizar un campionato de España coincidindo con outras citas de suma relevancia.
Un saúdo e grazas en especial a todos os deportistas que mostraron a súa predisposición para que a participación da Selección Galega neste campeonato fose efectiva.
