GALICIA PARTICIPARÁ ESTA FIN DE SEMANA NO CAMPIONATO DE ESPAÑA DE TRÍATLON ESCOLAR POR SELECCIÓNS AUTONÓMICAS

26 de Xuño de 2015

Galicia participará esta fin de semana en Águilas (Murcia) no Campionato de España de Tríatlon Escolar por Seleccións Autonómicas. A selección galega tentará loitar polos primeiros postos e poder acadar un posto no podio, pero enfronte estarán rivais tan fortes coma Madrid, Valencia ou Andalucía.

O sábado celebrarase a proba individual, un tríatlon no que os participantes deberán facer 750 metros de natación, 10 quilómetros de bicicleta e 2,5 de carreira a pe. En total participarán 19 comunidades e cada unha delas pode presentar un equipo de catro deportistas por categoría. Galicia presenta unha selección moi regular: Na categoría feminina (10:00 horas) participarán Inés Castaño, que entrou onte na convocatoria en substitución de Isabel Rodríguez (Cidade Lugo), con molestias nas costas, Raquel Ruíz (Tríatlon Ferrol), Iria Rodríguez (Atletismo Porriño) e Rebeca Carnota (A.D. Fogar). Na masculina (11:15 horas) os protagonistas serán Marcos Ruíz (Tríatlon Ferrol), Víctor Souto (A.D. Fogar), Alejandro Pardo (A.D: Fogar) e Manel Rey (Talleres David Compostela).

O equipo, que viaxou onte pola noite en dirección a Águilas, estivo concentrado toda a semana no Centro Galego de Tecnificación Deportiva en Pontevedra preparando este campionato xunto ao seleccionador Jonathan Cancela.

O domingo 28 de xuño (10:00 horas) celebrarase a proba de relevos mixto, na que participarán equipos formados por dous homes e dúas mulleres que realizarán un mini-tríatlon. Cada deportista terá que facer 300 metros de natación, 6 quilómetros de bicicleta e 1,5 de carreira a pe.

No ano 2014 Galicia logrou a medalla de prata na clasificación xeral do Campionato de España de Tríatlon Cadete por seleccións autonómicas, que se celebrou en Allariz. Valencia proclamouse campioa de España.

Quizáis che interese…

Galegos con maiúsculas

Galegos con maiúsculas

Antonio Serrat, Susana Rodríguez, Antonio Benito, Cidade de Lugo Fluvial, Pablo Dapena e as...