MELINA ALONSO E ANTONIO SERRAT, CAMPIÓNS GALEGOS DE TRÍATLON 2015

6 de Setembro de 2015

Melina Alonso (Tríatlon Ferrol) e Fernando Alarza (Tri-Penta Terras de Lugo) proclamáronse hoxe vencedores do  XXVII Tríatlon do Miño. Sen embargo para o título de campións galegos, que tamén se decidía nesta proba, os gañadores foron Melina e Antonio Serrat (Tri-Penta Terras e Lugo) na masculina, xa que Alarza aínda que ten licenza galega non está empadronado en Galicia.

 

DSC_5650 - copia Na proba masculina, Alarza demostrou ser o más forte dende o inicio. Foi só dende o primeiro segmento e xa non abandonou esta posición destacada en toda a proba. Fernando, que enfrontaba esta proba coma un adestramento de calidade cara á gran final das Series Mundiais de Chicago na que loitara por entrar no podio, chegou a meta cun tempo final de 55:59.

 

Mentres, por detrás, formouse un grupo cos favoritos, que loitaron entre eles para decidir o resto das prazas no podio. E na carreira a pe o máis forte foi o vigués Antonio Serrat, o que lle permitiu acadar o título de campión galego na categoría sub 23 e absoluta. O podio do campionato galego estivo formado por Antonio Serrat (campìón galego), César Saracho (mexicano, pero con licenza galega e empadronado en Galicia) que foi prata e Diego Paz (Arcade Inforhouse), bronce. Os tres primeiros do Tríatlon do Miño foron Fernando Alarza (1º), Antonio Serrat (2º) e César Ramro Saracho (3º).

 

Na categoría feminina, Melina Alonso (Tríatlon Ferrol) revalidou o título do pasado ano, triunfo que consolidou na carreira a pe. Melina tivo como compañeira de escapada á súa compañeira de club, Inés Santiago, aínda júnior e cun futuro espectacular por diante. Inés foi a mellor no segmento de natación e despois na bicicleta uníronse ambas (Inés e Melina) para romper a carreira  e lograr escaparse. Así decidiron o triunfo entre elas. Na carreira a pe, Melina foi superior e logrou chegar en solitario a meta cun tempo de 01:05:40. A segunda posición foi para Inés Santiago (Tríatlon Ferrol) cun tempo de 01:06:32 e o bronce, para Joselyn Brea (Tri-Penta Terras de Lugo) cun tempo de 01:08:52.

 

Os vencedores noutras categorías foron:

  • Cadete: Inés Castaño (Arcade Inforhouse) e Iván Puentes (Tríatlon Ferrol).
  • Júnior: Inés Santiago (Tríatlon Ferrol) e Andrés Cendán (Talleres David Tríatlon Compostela).
  • Sub 23: Melina Alonso (Tríatlon Ferrol) e Antonio Serrat (Tri-Penta Terras de Lugo).
  • Veterán 1: Aída García (Olímpico de Vedra) e Iván Rubio (Tríatlon Arteixo).
  • Veteran 2: Andrés López (Club Ciclismo-Tríatlon Poio).
  • Clubs: Arcade Inforhouse (feminina) e Tríatlon Arteixo (masculina).

 

O Campionato Galego disputouse sobre a distancia sprint (750 metros de natación, 20 quilómetros de bicicleta e 5 quilómetros de carreira a pe), con saída, boxes e meta na área creativa Los Robles. Para poder participar nesta proba os participantes tiveron que lograr a clasificación nas diferentes probas que conforman o circuíto galego de tríatlon de estrada.

CLASIFICA TRIA LUGO 2015

Quizáis che interese…

Galegos con maiúsculas

Galegos con maiúsculas

Antonio Serrat, Susana Rodríguez, Antonio Benito, Cidade de Lugo Fluvial, Pablo Dapena e as...