O 15 DE MAIO CELEBRARASE EN VILAGARCÍA  O III TRÍATLON RÍAS BAIXAS CON  350 DEPORTISTAS

13 de Maio de 2016

O domingo 15 de maio (a partir das 09:30 horas) terá lugar en Vilagarcía de Arousa o III Tríatlon Rías Baixas, que conta cunha inscrición de 350 deportistas. Esta proba forma parte do circuíto “no draft” da Federación Galega de Tríatlon.

Esta competición dispútase sobre a distancia olímpica (1.500 metros de natación, 40 quilómetros de bicicleta e 10 quilómetros de carreira a pe), e as transicións e meta están situadas no contorno do Club do Mar de Vilagarcía (preto da Praia de Compostela). A principal característica desta proba é que se disputarán sen drafting, é dicir, estará prohibido ir a roda doutro ciclista ou circular en pelotón.

A proba masculina comezará ás 09:30 da mañá dende a praia de Compostela e entre os participantes destacan Cristóbal Dios (Tri-Penta Terras de Lugo), José Manuel Pardo Leis (Tríatlon Arteixo), Pedro Antonio Esmorís (Tríatlon Arteixo), Lucas Escaneo (Tríatlon Morrazo) ou Juan Sebastián Díaz (Tríatlon Poio). A proba feminina terá a saída dez minutos despois (09:40) e coa participación de Sonia Pariente (GV Sports), Myriam Portela (Team Corbelo), Raquel Zapata (Mar de Vigo) ou Nerea Castro (Tríatlon Poio), entre outras.

 

Quizáis che interese…

Challenge Mogán Gran Canaria

Challenge Mogán Gran Canaria

LoChallenge Mogán Gran Canaria Mañá sábado 24 de Abril, Pablo Dapena e Ivan Raña competirán cos millores triatletas de...