Un total de 269 equipos participarán mañá en Pontevedra no Campionato de España de Tríatlon por Relevos, unha modalidade moi atractiva e explosiva cara ao público. Con esta proba porase punto e final a unha fin de semana chea de alicientes deportivos, a pesar de que o tempo non acompañou en exceso.
A xornada comezará ás 09:00 horas coa disputa da modalidade escolar, no que participarán un total de 74 equipos (27 femininos e 47 masculinos). A continuación celebrarase a proba Open, para os segundos equipos dos clubs. En elite só pode participar un equipo por club, así que o resto poden disputar a proba Open e con tantos equipos como desexen. A proba open masculina comezará ás 10:20 con 63 equipos inscritos. A categoría open feminina celebrarase case a vez que elite. En primeiro lugar darase a saída a proba elite (11:40 horas) con 45 equipos, mentres que a Open feminina saírá tres minutos máis tarde con 20 equipos. O campionato finalizará coa proba elite masculina (13:00 horas), na que participarán 67 equipos. Así, en total haberá 260 equipos e 807 deportistas.
O Campionato de España de Tríatlon por Relevos, no que os equipos están formados por tres deportistas e cada un deles realizará un tríatlon en distancia super sprint (250 metros de natación, 6 quilómetros de bicicleta e 1,6 de carreira a pe) e da a quenda ao seu compañeiro. Deste xeito, o primeiro en entrar en meta, será o campión de España.
Universidade de Alacante (masculina) e Tríatlon Ferrol (feminino) foron os campións do pasado ano e este ano volven como favoritos a loitar polo podio. Pero seguro que non o terán fácil. As rapazas do Ferrol teñen enfronte á duros equipos coma o Cidade de Lugo, FastTriatlon-Montjuic e Diablillos de Rivas, entre outros.
Na categoría masculina, Universidade de Alacante chega o aval dos resultados da Copa, e para subir ao máis alto do podio terá que superar á Tri-Penta Terras de Lugo, FastTriatlón, Arcade Inforhouse, Diablillos de Rivas.
Horarios:
9:00 | Campionato de España de Tríatlon por Relevos – Saída Idade Escolar Masculino
9:03 | Campionato de España de Tríatlon por Relevos – Saída Idade Escolar Feminino
10:20 | Campionato de España de Tríatlon por Relevos – SaídaOpen Masculino
11:40 | Campionato de España de Tríatlon por Relevos – SaídaElite Feminino
11:43 | Campionato de España de Tríatlon por Relevos – Saída Open Feminino
13:00 | Campionato de España de Tríatlon por Relevos – Saída Elite Masculino
14:30 | Entregas de medallas
