PONTEVEDRA ACOLLERÁ A SEGUNDA PROBA DO PROGRAMA “NADA E CORRE” 2014

13 de Febreiro de 2014

 O sábado 15 de febreiro (10:00 horas) celebrarase en Pontevedra a segunda proba do programa “Nada e Corre”  2014, unha iniciativa  da Federación Galega de Tríatlon dedicada aos máis cativos. Nesta proba hai inscritos preto de cen nenos e nenas das zonas de Ourense-Pontevedra-Riveira-Santiago-Vigo.

A proba de Pontevedra celebrarase no Centro Galego de Tecnificación Deportiva de Pontevedra e as distancias dependerán das categorías:

 

  •          Benxamín: 50 metros de natación e 500 de carreira a pe.
  • Alevín: 100 metros natación e 500 carreira a pe.
  • Infantil: 200 metros natación e 1.000 carreira a pe.
  • Cadete: 400 metros natación e 2.000 carreira a pe.

Este programa, que comezou no 2012, está dedicado ás categorías benxamín, alevín, infantil e cadete e ten como obxecto traballar en inverno  a natación e a carreira, xa que os técnicos consideran importante traballar estes aspectos. Así o programa “Nada e Corre”, que se desenvolve nos meses de febreiro e marzo, está formado por catro probas clasificatorias zonais (Vilalba, Pontevedra, Narón e Vigo) e unha final. A final terá lugar o día 9 de marzo en Riveira e para a mesma clasificaranse de cada proba os catro mellores por categoría e sexo.

  •  

Quizáis che interese…