SETE GALEGOS PARTICIPARÁN NO EUROPEO DE TRÍATLON QUE SE DISPUTARÁ EN KITZBÜHEL

19 de Xuño de 2014

Sete galegos participarán esta fin de semana (19-22 de xuño) no Campionato de Europa de Tríatlon, que se disputará en Kitzbühel (Austria). Os representantes galegos no Europeo serán: Fernando Alarza, Ricardo Hernández, María Ortega e Melina Alonso (sénior); Antonio Serrat e Carmen Gómez (júnior) e Susana Rodríguez (paratri).

O Campionato de Europa na categoría elite disputarase sobre a distancia olímpica e a natación celebrarase no lago Schwarzsee. Os deportistas terán que nadar 1.500 metros, facer 43,2 quilómetros en bicicleta (nun trazado que unirá o lago co centro de Kitxbühel) e correr 10 quilómetros, mentres que en júnior e paratriatlon a distancia será sprint (750 metros, 20 quilómetros e 5 quilómetros). En relevos as distancias serán de 200 metros de natación, 8,6 quilómetros de bicicleta e 2,4 de carreira a pe.

Probas femininas. O venres 20 celebraranse as probas femininas, tanto na categoría júnior coma sénior. As primeiras en competir serán as máis novas (13:00 horas) coa presenza da galega Carmen Gómez (Tríatlon Ferrol) entre as inscritas. Carmen é aínda deportista da categoría cadete, polo que loitará cos maiores e sen presión algunha, xa que todo o que acade estará ben. A proba de elite comezará ás 15 horas, con María Ortega e Melina Alonso. Serán as dúas representantes españolas no Europeo, e ambas con fichas galegas. En total haberá 40 deportistas na liña de saída.

Masculinas e paratri. O sábado 21 de xuño será o momento da celebración das probas masculinas e do paratriatlon. A máis madrugadora será Susana Rodríguez, xa que a proba de paratriatlon comezarás ás 08:00 horas. Susana Rodríguez (con Mayalen Noriega coma guía) competirá en PT5 (deportistas con deficiencias visuais) unha vez solucionado o problema que a deixaba fóra do Europeo (por un despiste na inscrición por parte da Federación Española). A viguesa ten a ilusión de logralo título, como xa fixo no Campionato do Mundo de Duatlón de Pontevedra hai unhas semanas.

IMG-20140619-WA0004Posteriormente, ás 13:00 horas, comezará a proba júnior masculina, co vigués Antonio Serrat (Tri-Penta Terras de Lugo) disposto a loitar polos primeiros postos. O pasado ano foi sétimo no Europeo e agora, cun ano máis de experiencia, tentará loitar polo podio. En total, sairán a competir 75 deportistas.

Ás 15:00 horas será o momento dos deportistas seniors. Entre os participantes destaca a figura de Alistair Brownlee, que esta tempada comezou a competir a mediados de maio, por culpa dunha lesión. Pero non están inscritos Gómez Noya ou Mario Mola, centrados nas probas das Series Mundiais, xa que está en xogo o título de campión do mundo. Na loita polo Europeo contaremos cos “galegos” Fernando Alarza (subcampión do mundo sub 23) e Ricardo Hernández, con ganas de facer algo importante, nunha lista de 73 participantes.

E o campionato de Europa rematará o domingo 22 cos grupos de idade (distancia standard) e as probas de relevos júnior (13:00 horas) e sénior (15:30 horas). Os equipos están formados por catro deportistas (dous homes e dúas mulleres) que realizarán un mini-tríatlon. Os integrantes dos relevos non se coñecerán ata o día anterior pola tarde, despois de saber como remataron as probas individuais.

 

Quizáis che interese…

Challenge Mogán Gran Canaria

Challenge Mogán Gran Canaria

LoChallenge Mogán Gran Canaria Mañá sábado 24 de Abril, Pablo Dapena e Ivan Raña competirán cos millores triatletas de...