Vémonos o lúns en Carballedo

CARBALLEDO 2021

3 de Decembro de 2021

O próximo lúns día 6 de Decembro, estaremos en Carballedo no Concello Cerdedo – Cotobade para a disputa da última proba do Circuíto Galego Xunta de Galicia de Dúatlon Cros, onde se decidirán os próximos campións galegos da disciplina.

O percorrido, tanto de carreira coma de bicicleta, terá un 30% de asfalto e un 70% de camiños e pistas de terra e monte, considerándose a proba de dificultade técnica media/baixa e dificultade física media, aínda que poden verse incrementadas en función das condicións meteorolóxicas.

Sobre unha distancia de 5,8 kilómetros de carreira a pé con dúas voltas ao circuito, 18 kilómetros de BTT con 3 voltas ao circuito e finalizando con 2,9 kilómetros de carreira a pé, a proba dará comezo ás 11 horas para a categoría masculina e 5 minutos máis tarde para a categoría feminina.

CARBALLEDO 2021

Líderes provisionais Circuíto Dúatlon Cros

CLASIFICACIÓN ACTUAL 

Os deportistas deberán estar na cámara de chamadas, diante da súa bicicleta, 10 minutos antes da súa saída.

Só poden acceder a zona de competición as persoas acreditadas:

– Deportistas inscritos/as
– Persoal técnico acreditado
– Organización
– Oficiais
– Persoal acreditado

Para poder acceder haberá que presentar a licenza ou DNI ao persoal de seguridade de control mostrar a certificación de pauta completa de vacinación e entregar o formulario de responsabilidade
individual que deberá levar cuberto. DESCARGAR

Vémonos o lúns en Carballedo. 💪💪💪

Quizáis che interese…

Montreal

Montreal

Montreal acolle unha nova cita das Series Mundiais e o Campionato do Mundo Junior de Tríatlon....